Lýsing

Smyril Line fær sítt sætta skip

SKRIVAÐ: Tíðindaskriv  |  28.07.2020 - 08:54 Tíðindaskriv Vinna

Í kjalarvørrinum av vaksandi flotanum koma nýggj farmaleið og nýggj skrivstova

Mikudagin 12. august kemur aftur eitt farmaskip í flotan hjá Smyril Line. Hesaferð er tað RoRo-skipið, M/V Mistral, sum Smyril Line leigar frá finska reiðarínum, Godby Shipping.

Mistral er bygt á J.J. Sietas Schiffswerft í Týskland í 1998. Skipið er 156 metrar langt og 23 metrar breitt. Tað er undir finskum flaggi og hevur eisini finska manning. Hon telur 24.

Tá ið Mistral legst afturat, verða seks skip í flotanum hjá Smyril Line. Umframt Mistral eru tey: Norrøna, Mykines, Akranes, Eystnes og Hvítanes.

Endamálið við nýggja skipinum er at stovna eina nýggja farmaleið millum Rotterdam og vesturnoreg. Praktiskt merkir tað, at Mistral yvirtekur leiðina, ið Akranes hevur siglt millum Ísland, Føroya og Danmarkar, og at Akranes fer at røkja ta nýggju leiðina. Frameftir fer Akranes sostatt at sigla eina ferð um vikuna úr Rotterdam til hesar fýra havnir á norsku vesturstrondini: Stavanger, Tróndheim, Rørvik og Hitra - við beinleiðis sigling úr Hitra niður aftur til Rotterdam.

Við hesum strembar Smyril Line eftir at veita enn betri tænastu við fleiri møguleikum. Kundar skulu kunna styrkja kappingarførið við at samstarva við Smyril Line. Nýggja farmaskipið og nýggja leiðin fara vónandi eisini at styrkja Smyril Line, ið er einasti RoRo-flutningsveitari í Norðuratlantshavi.

Við nýggju farmleiðuni bjóðar Smyril Line norskum vøruflytararum høgligar komu- og fráfaringartíðirnar. Umframt at normenn nú kunnu flyta góðs sjóvegis heldur enn at noyðast við bilum eftir landsvegunum.

Í Rotterdam hevur nýggja leiðin við sær, at nú koma tvey skip hjá Smyril Line til Rotterdam um vikuna. Smyril Line hevur tí sett fimm fólk í starv í stóra havnarbýnum. Tey taka sær av øllum skrivstovuarbeiði í sambandi við komur og fráferðir. Nýggja skrivstovan læt upp longu 1. juli.

 

Lýsing
Seinastu tíðindini
KÍ vann ársins størsta sigur
Avmarkað ansingartilboðum á dagstovnaøki…
Støðan er sera álvarsom: Metnógvir tilbu…
Ráðhúsið, dagstovnaøkið og COVID-19
Maverick Barr letur uppaftur klokkan 18:…
Svimji­høllin steingir fyribils
Útflutn­ingur til Russlands
Nýggj smidligari kanningar­skipan ávegis…
Eingin vitjan á búeindu­num í Norðoya Bú-…
Allar kanningar ikki greinaðar enn
Loooong bíðirøð á Klaksvíkar Sjúkra­húsi
Til lukku Bárður
Upptakt: EB/­Streymur-KÍ
Samandráttur av tíðindafundi­num kl. 15
Nýggi blokkurin hjá Norðborg verið kring…
Tey pota óført á Sjúkra­húsinum
Alt útsett, undantikið Betri Deildin men…
Tað verður bygt í hvørjum skoti
3 mió. til trygdarútgerð Norður um Fjall…
14 nýggir koronatilburðir