Lýsing
Lýsing

Nýggi blokkurin komin umborð á Norðborg

SKRIVAÐ: Tekst og myndir: Oliver Joensen  |  04.08.2020 - 21:12 Myndarøð Tíðindi Vinna

Í dag var so nýggi motorblokkurin settur í Norðborg. Hetta hevur við sær, at KSS kann fara í holt við at montera alt, ið tikið var av gamla blokkinum, á nýggja blokkin. Tað at funnið varð fram til hendan blokkin yviri í USA er ein søga fyri seg. Tað var Jóannes Mørkøre frá KJ á Kambsdali ið gjørdi hetta detektivarbeiðið. Tað hevur ikki bara gjørt at Norðborg kann fara nógv skjótari aftur í vinnu, heldur enn at bíða eftir nýggjum motori, ið hevði tikið mánaðar. Men eisini hevði ein nýggjur motorur verið ein nógv dýrari loysn fyri felagið.

Tað gekk stak væl í dag. Jón Rasmussen, skipari á Norðborg sigur, at av royndunum at fáa gamla blokkin úr skipinum, hevur verið lættari at seta nýggja blokkin inn. Byrjað var í morgun um 10 tíðina og um klokkan seks í kvøld, stóð maskinblokkurin í niðastu lastini. Í morgin verður farið undir at venda blokkinum og at seta hann aftur á fundamentið í maskinrúminum.

Arbeiðið sum gjørt er higartil hevur MEST staði fyri við hjálp frá KSS og í morgin kemur ein normaður higar frá Bergen Diesel, soleiðis at tveir serkønir frá fabrikkini fara at arbeiða saman við KSS um monteringina av øllum, ið skal monterast á aftur áðrenn motorurin kann setast í gongd.

Jón Rasmussen, skipari á Norðborg sigur, at normaðurin, ið hevur verið her hesa tíðina sigur, at hann ætlar at hava motorin í gongdi áðrenn hann fer í feriu og tað er 4. september. Til tað tíð verður arbeitt við tvey skiftis vakt umborð á Norðborg.

Lýsing
Seinastu tíðindini
Hetta sigur Odmar Færø um skaðan
Abubakar Ibrahim Aliyu spælir ikki við K…
Trupulleikar­nir hjá KÍ í Trongisvági hil…
Magni Husgaard við sínum fyrsta lagi
Skal kappingarleistu­rin varðveit­ast?
Jórun Niclasen vann navnakappingina
Upptakt: TB-KÍ
Semja um maskinmeistarar hjá Vørn
Nevndarskifti í AKF
Myndarøð: Vóru á fjalli í Barmi í dag
Norðoya Sparikassi 6 milliónir í avlopi…
Næmingar­nir ruddaðu Føroyar
KSS-Open 2020
Góð undirtøka á Viðareiði
Børn og ung skulu hava frítíðarkort
KÍ skal á útivøll um liðið kemur í ‘’pla…
Tilmeldingin til Kvøldskúlan letur upp í…
Nú verður aftur møguligt at taka koyriko…
Poula Isaksen 90 ár
Norðlýsið á gøtuni