Hátrýstveður
Nú er summar um alt Føroyaland. Sólin skínur so fagurliga oman og niðan í flestu støðum kring landið.
Bert eitt lítið lot úr útsynningi, undir 5 m/s – og barometrið er høgt, um 1020 hPa á middegi í dag. Hitalagið liggur um 11 til 13 stig.
Hátrýstveður er vanliga gott veður. Luftin søkkur spakuliga niður ímóti jørðini, av hæddunum langt oman fyri okkum – har sum tey stóru flogførini flúgva.
Á vegum niðureftir ornar hon og tekur vætuna í seg. Hetta ger vanliga lýtt og klárt veður.
Í kvøld fer vindurin at veksa eitt lítið sindur, upp í einar 5 til 10 m/s, og eftir midnátt verður skýggjað.
Í morgin er ættin framvegis útsynningur. Vndferðin fer at liggja um 5 til 10 m/s fyrrapartin, men tað minkar niður í lítið og einki beint eftir middag.
Hitalagið í morgin helst tað sum í dag, 11 til 13 stig.