Veðrið í vikuni
Hátýstið, sum hevur ligið yvir okkara leiðir í nakrar dagar, liggur enn, men fer at vikna og flyta seg eystureftir, burtur frá Føroyum.
Seint í annaðkvøld fer tað ikki at ávirka veðrið hjá okkum longur.
Ístaðin fer eitt lágtrýst at seta sín dám á veðrið her hjá okkum í vikuni sum kemur. Soleiðis sum lágtrýstið fer at plaserað seg, fer ættin at liggja úr eystri og upp í norðan alla vikuna, sum kemur.
Vindurin fer at veksa út á vikuna, og tað verður vátt – serliga hósdagin og fríggjadagin.
Veðrið komandi viknua í stuttum, dag fyri dag:
Mánadagin: Eystan, 3 til 8 m/s – skýggjað og turt. Hitin 10 – 12 stig.
Týsdagin: Landnyrðingur, 3 til 8 m/s – Skýggjað og turt. Hitin 9 – 11 stig.
Mikudagin: Landnyrðingur-norðan, 3 til 8 m/s, veksandi á kvøldi upp í 8 til 13 m/s – skýggjað og turt fyri tað mesta. Hitin 8 – 10 stig.
Hósdagin: Landnyrðingur, 10 til 15 m/s – turt um morgunin, men tað fer at regna út á seinnapartin. Hitin 8 – 10 stig.
Fríggjadagin: Landnyrðingur-norðan, 10 til 15 m/s – regn um náttina og fyrrapartin, slítur í út á seinnapartin. Hitin 8 – 10 stig.
Leygardagin: Eysturhallur norðan, 10 til 15 m/s – ælaveður, men turt seinnapartin og út á kvøldið. Hitin 9 – 11 stig.
Sunnudagin: Norðan, minkandi út á dagin niður í 5 til 10 m/s – skýggjað, okkurt ælið, men fyri tað mesta turt. Hitin 9 – 11 stig.