Tað eru fyritøkurnar MEST, Varðin og Varðin Pelagic, sum í samstarvi við Eysturkommunu standa fyri verkætlanini. Havnin verður frá Tjørnunesi og norðureftir.

Mest hevur tørv á eini turrdokk, Varðin hevur tørv á kaikanti til síni skip, Varðin Pelagic hevur tørv á goymslu og Eysturkommuna hevur eisini stóran tørv á vinnugrundstykkjum, upplýsir borgarstjórin.

Talan er um eina verkætlan fyri nakrar hundrað milliónir krónur, m.a. fer eitt skip sum Norrøna at passa inn í turrdokkina, sigur Jóhan Christiansen borgarstjóri

Vit hava fyrireika hesa verkætlan seinastu trý árini og hava m.a. gjørt ljóðroyndir og fingið øll neyðug loyvir frá mynduleikunum, so klárt er at fara í gong, sigur Jóhan Christiansen borgarstjóri við Norðlýsið at enda.