Lýsing
KÍ-Dinamo Tbilisi: Odmar Færø er ivamálið
Odmar vandi við í parti av venjingini í gjár.
Í morgin spælir KÍ í 3. umfari í Europa League móti Dinamo Tbilisi úr Georgia. Veddingarfyritøkurnar hava Dinamo Tbilisi sum greiðan favoritt, men tó ikki so stóran sum at KÍ ongan møguleika hevur.
KÍ-hópurin er nærum fullmannaður. Einasta ivamálið er Odmar Færø, sum fór út á børu móti TB leygardagin. Hann vandi við í pørtum av venjingini í gjár, og enn er ógreitt, um hann verður klárur til dystin hóskvøldið. Annars eru allir leikarar tøkir treytað av, at venjingin í dag ongar skaðar gevur.
Dysturin millum KÍ-Dinamo Tbilisi verður á Tórsvølli hóskvøldið kl. 19.00.
Seinastu tíðindini