Fiskiskapurin hampuligur
Brandur rør út úr Hvannasundi: Janus Sørensen, skipari sigur, at teir hava verið eini 16-17 túrar á útiróðri síðani 1. september. So veðrinum bilar einki. Heldur ikki fiskarínum. Vit eru nøgdir við fiskiskapin, men prísurin á fiski hevur verið í lagra lagið, serliga tá vit tosa um hýsuna. Í dag høvdu vit 6.500 pund, harav 2200 pund var toskur.
Við egningini hevur gingið hampuliga væl, men vit kundu hugsa okkum at ein ella tveir egnarar vóru afturat. Vanliga hava vit 45 stampar við og tað er ov nógv hjá fýra monnum at egna, um vit rógva út dag um dag, skal alt vera egnt tá, eru dagarnir ov langir hjá teimum.
Nú bátarnir fáa so nógva hýsu sigur Janus, at tað var vanligt fyri hesa tíðina at hýsa var at fáa. Vanliga kom toskurin ikki fyrr enn síðst í oktober ella fyrst í november. Hesi árini frammanundan hevur tó verið óvanliga nógvur toskur at fingið.