Lýsing
Lýsing

Nú er tað so alment at eg stilli upp til Býráðsval í Klaksvíkar Kommunu

SKRIVAÐ: Frímund Hansen  |  16.10.2020 - 21:50 Kommunuval 2020 Politikkur Tíðindaskriv

Havi hug til at greiða eitt sindur frá hvør ið eg eri, serliga fyri tí unga fólkinum. Tí eg flutti úr Klaksvík í skúlaørindum longu í 1987 og havi ikki havt adressu í Klaksvík aftur fyrr enn nú, eg eri fluttur til Svínoyar

Tey sum vóru á mínum aldri tá, kallaðu meg bara fyri Frulli. So um spurt verður inn til tað, munnu verða fleiri sum duga at siga frá.

Eg eri Klaksvíkingur við stórum K. Heygadrongur, sonur Jóan Paula í Svíni og Fridu úti á Oyri. Tá slektirnar eru stórar í fleiri lið, røkka tær um allar Norðoyggjar og í sjálvar røturnar í kommununi.

Eri giftur Eydnu Weihe av Selatræð og vit eiga 4 børn.

Lívsviti er úr Klaksvíkar Skúla, egningarskúrunum á Stongunum, bátinum á Borðoyavík, arbeiði og í skrivstovulæru hjá Kjølbro, handilsskúla, merkonom og arbeitt sum grannskoðari. Eitt skifti fyrst í 90unum sum fyristøðumaður í fiskivinnuvirki í Kanada til eg byrjaði mína karieru í aling. Var í leiðsluni á Vestlax í 15 ár, har av tey flestu sum stjóri.
Seinastu 10 árini havi eg verið sjálvstøðugt vinnureknadi, við misjavnari úrtøku tó. Men eg eri við gott mót og takist við tað sama enn og tað trillkar rætta vegin. Havi eina ”turka” trúgv uppá at her eru virðir at heinta, tó at tað er stríggi. Felag mítt eitur Sp/f Glyggur Fishproteins and Bait. Endamáli er savnan av fiskaavskurði og fráskyldum fiski til góðsking og menning til djórafóður og agn.

Skóti í SNP, Kí-ari, Fípudrongur og Stjørna’an

Havi áltíð verið Fólkaflokksmaður við rímuliga sterkum sosialum profili og verið formaður í Ungmannafelagnum í Norðoyggjum. Eri trúgvandi protestantur og góður við Kristnan boðskap. Dámi væl Frændir’sa tónleik og ein túr í Stovuna viðhvørt til gott prát, eina Føroya Bjór ella bara eitt krúss av kaffi.

Tit fáa meg sum eg eri

Eg komi at skriva nakrar greinar Norðlýsinum um hvat í eg havi uppá hjarta at gera í býráðnum!

Meira seinni!

 

Við Klaksvíkskvøðu

Frímund Hansen
Um Eiði 8
Svínoy

Lýsing
Seinastu tíðindini
Heimabakstur og ítriv, tá hugnin fevnir…
Neyðugt við breiðari semju um veiðigjald…
Meira útróður
600.000 kr. til nýggjan buss til Trivna…
Tíð er til at handla - tíð er ikki til a…
Hvat merkir samgonga, og hvat er ein sam…
Útróðurin - toskurin letur bíða eftir sæ…
Jóla­konsertir: Útselt í Runavík – fá atg…
Mjølnir A vann g14 b bólkin
Hava róð fyri heilsuna
Jóla­skipið og Ársins Rósa - ikki í ár
Ingálvur av Reyni endaði sálmasangin í k…
Smoltstøðin á Glyvradali útbyggj­ast við…
Hjálparpakki 2: Í alt fimm milliónir kró…
Hvør er ársins fyrstuhjálpari 2020?
Elsebeth Mercedis Gunnleygsdóttur, lands…
Svarti fríggjadagur nærkast
Klaksvík millum Gentofte og Calcutta (nú…
Hvussu hevur tú tað? 2019
Stórsigur í toppdysti