Klaksvík á vinnara kós
Tað eru ikki nógvar kommunur við 5.000 íbúgvum sum eru so heldugar at hava ein bý sum hevur allar teir hentleikar sum sjálvt stórbýir hava, tí mugu vit eisini síggja alt tað positiva tá vit tosa um okkara bý og kommunu. Sjálvt um vit halda, at nógv kundi verið gjørt betri og skjótari, so eru tað at fegnast um, at vit hava eitt sera virkið vinnulív og nógv støð har tey ið her búgva kunnu hugna sær, matstovur, ítróttarhallir, biograf, svimjihøll og wellness, eitt ríkt mentunarlív og góðar tænastur til børn og ung og fantastiskar náttúruupplivingar.
Tað verður alsamt fríðka og tilboðini økjast sum árini ganga. Um stutta tíð hava vit eitt nýtt handilssentur í miðbýnum. Vit hava fingið nýggjan skúla og skjótt eisini eitt nógv útbygt stadionøkið. Fyri framman standa rørsluhøll, skjótibreyt, húsarhaldsskúli, kappróðrarneyst, mentunarhús og fimleikahøll. Vinnuligar útbyggingar í Norðhavnini og undir Hamri á Borðoyarvík. Stórar útstykkingar til íbúðir, barnagarð og økt tilboð á dagstovnaøkjunum. Sanniliga ein kommuna í stórari menning og fagrasta blóma. Vit mugu tryggja góðu gongdina. Saman við tykkum røkka vit hesum málum.
Vitja omlassen.com
Óli M. Lassen, býráðslimur