Hóast KÍ hevur staðið seg væl í Sarpugerði í nøkur ár, so eru flestu dystirnir spennandi til tað síðsta. M.a. hevur Víkingur fingið leiðsluna í báðum teimum síðstu dystunum í Sarpugerði.

Víkingur brúkar dystin sum fyrireiking til steypakappingina og komandi kappingarár umframt, at hetta er ein møguleiki at arga eitt av toppliðunum. Víkingur hevur fyrr í ár vunnið heimadystir móti bæði NSÍ og B36. Hjá KÍ ræður um at vinna fyri at vinna spennandi kappingina um 2. plássið, ið gevur Europa Conference League pláss, har NSÍ og B36 eisini stríðast. Hjá Víkingi hevur Bogi Reinert-Petersen leikbann. Hjá KÍ eru nærum allir leikarar tøkir. Ivamál er tó um Patrik Johannesen, sum hevur ein snudd.

Dysturin í Norðragøtu byrjar kl. 18.00. Dómari verður Alex Troleis.