Lýsing
Lýsing
Lýsing
Nógv regn var kring alt landið frá middegi og nakrar tímar fram. Soleiðis sá Klaksvík út frá Oyravegnum klokkan 1330, meðan regnið var upp á tað mesta. | Mynd: Undirritaði

Eitt sindur um veðrið

SKRIVAÐ: Hanus Kjølbro  |  20.11.2020 - 16:17 Tíðindi Veðrið

Nógvur regn hevur verið seinnapartin og eisini heilt fitt av vindi.

Hesin vindurin er ikki vindurin, sum skal veksa upp í storm seinni í kvøld, men vindur, sum hoyrir til eitt regnumráði. Meiri avfall, meiri vindur. Brúgvalagið seinnapartin hevur verið ógvuliga tjúkt, og tí hevur verið so nógvur vindur í sambandi við tað.  

Nú siga allar veðurstøðirnar hjá Vørn frá minkandi vindi og minkandi avfalli. Vindurin (frontvindur) minkar tó ikki so nógv hesaferð, tí umráðið við storminum (gradientvindur) nærkast vestaneftir.

Um einar tímar – t.e. um 18-tíðina – fer miðalvindferðin at liggja um 18 til 23 m/s vestanfyri; eystanfyri eitt sindur minni, um 15 til 20 m/s. Ættin er útsynningur-sunnan.

Eftir tað fer vindurin at veksa, og á midnátt eru 25 m/s kring alt landið og ælaveður. Soleiðis er og verður líka til middags í morgin.

Gevið gætur, at hetta er miðalvindferð. Hvirlurnar kunnu vera væl harðari – upp í 30 m/s ella meir.

So er tað ættin á staðnum, hvussu hon roynist. Føroyar eru ógvuliga fjølbroyttar, hvussu høg fjøll eru, hvønn veg tey venda o.s.fr. Tí fara fólk kring landið at uppliva hetta illveðrið ógvuliga ymiskt.

Tað ber ikki til í stuttum at fara kring alt landið at siga frá, hvussu væl ella illa ættin roynist. Í øllum støðum kring landið eru nógv fólk við nógvari vitan um veðrið á staðnum.

Tí ber bert til at koma við miðalvindferð fyri landið og so ættini eisini.

Lýsing
Seinastu tíðindini
Betri Stuðuls­grunnu­rin letur peningagávu…
Árni Frederiksberg til KÍ!
Sjúrðarberg fer nýggjan túr í kvøld
KÍ fer at avdúka Árna Frederiksberg í kv…
“Meistarar, sendið tykkara lærlingar til…
Gevið kommunu­num lut í veiðigjaldinum
Mugu útbúgva fleiri námsfrøðingar
Elsebeth Mercedis Gunnleygsdóttur sett t…
KSS: Ísak V. Staksá sveinabræv sum maski…
Jóla­kortið 2020
Glitrandi perlur
Ákærdur - fríur ella dømdur
Rognkelsi sum lúsabasari í føroysku aliv…
Litrík høli mitt í býnum
Vínkúllar­nir bjóða til beinleiðis jólaví…
Veðrið í vikuni, sum kemur
Besta løtan at planta eitt træ
Myndarøð: HB vann seg trygt í finaluna u…
Jóla­trø­ini í Klaksvíkar kommunu
Nýggj Bíbliulesiætlan: Les fyri lívið…