Skúli úti og inni
Í morgun var serstakliga vakurt veður, og tí var bókin hjá næmingunum í 4. flokki løgd til síðis eina løtu í morgun. Tey fóru út at njóta veðrið og vakurt sólarris, sum vísti allar sínar mongu litir.
Eftir at hava notið løtuna og veðrið varð farið aftur í skúlan, har næmingarnir lærdu um mát og mátieindir. Learning by doing í besta Dewey stíli :)
Learning by doing, ella at læra við at gera, er kent hugtak, sum er knýtt at amerikanska professaranum í heimspeki og námsfrøði John Dewey. Hann arbeiddi við ástøði, ið byggir á tankan um, at tann, ið lærir skal royna seg í umhvørvinum, hann er partur av, og ígjøgnum egnar royndir læra og mennast.
T.d. ikki bara at læra mát og matieindir við at tosa ella lesa um tað, men eisini ítøkiliga við einum tummastokki og at gera egnar royndir sjálv og sjálvur.
Við hesum verður tykkum øllum ynskt eitt gott vikuskifti!