Fluttur einaferð afturat
Vit boða frá, at Bindifestivalurin, sum varð fluttur til apríl í 2021, nú er fluttur einaferð afturat.
Sum støðan er í løtuni, er tað ivasamt, um Bindifestivalurin kann gjøgnumførast. Tí hava vit tikið avgerð um at binda um heilan fingur, fyri at øll, ið eru partar av festivalskránni eins og luttakarar, skulu kenna seg trygg, og tí hava vit valt at flyta Bindifestivalin til:
28. – 30. okt. 2021
Øll, sum hava keypt atgongd til Bindifestivalin 2020/21, verða av sær sjálvum flutt til Bindifestivalin 2021 í oktobur. Vit arbeiða fram ímóti, at skráin fyri 2021 eisini fevnir um skránna, sum skuldi verða í 2020.
Hevur tú spurningar ella ynskir tú at fáa peningin aftur fyri keypta atgongd, send so okkum teldupost við navni og bíleggingarnr. til bindifestival@gmail.com í seinasta lagi 1. aug. 2021. So kunnu vit samskifta tann vegin.
Vónandi taka tit væl ímóti hesi fráboðan. Vit síggja fram til ein áhugaverdan Bindifestival 2021 – eisini við tínari luttøku.
Vit harmast støðuna, sum er íkomin.