Lýsing
Lýsing

Gott skoytuveður alla vikuna

SKRIVAÐ: Jóhann Lützen  |  25.01.2021 - 14:32 Mentan Tíðindi

Seinasti skoytudagur í ár skuldi eftir ætlan vera í gjár, men avgjørt er nú at hava skoytubreytina opna eina viku afturat.

Borgarstjórin, Karl Johansen sigur, at veðurforsøgnin fyri vikuna sær góð út, og tí er upplagt at leingja upplatingartíðina á skoytubreytini til sunnudagin 31. januar 2021.

- Tað er sera stuttligt at síggja, hvussu væl vitjað skoytubreytin er. Fleiri enn 8.000 vitjanir hava verið í ár, og fólk eru komin, nær og fjar, fyri at royna skoytubreytina.

- Hendan tíðin kann tykjast myrk og long, og tá er tað fantastiskt, at kommunan kann bjóða sínum borgarum eitt tílíkt tilboð, sigur Karl Johansen.

Kate Hammer, sum aftur í ár hevur samskipað arbeiðið við skoytubreytini, sigur, at arbeiðið hevur gingið sera væl. Veðrið í januar mánað hevur verið sera gott samanborið við januar síðsta ár, og ítróttarfeløg og áhugafelagskapir í býnum hava aftur í ár víst stóran áhuga í, at passa básin, har útleiganin av skoytunum hevur verið. 

- Tað er so gleðiligt, at borgarar saman við kommununi standa saman um skoytubreytina, tí eg eri sannførd um, at tað gevur eina serliga ognarkenslu, sum øll kunnu njóta gott av, sigur Kate Hammer.

 

Upplatingartíðir hesa vikuna:

Mánadag – fríggjadag: 15.00 – 20.00

Leygardag: 10.00 – 20.00 

Sunnudag: 15.00 – 20.00

Á facebooksíðuni, Skoytubreytin í Klaksvík, ber til at kunna seg um upplatingartíðir og um annað virksemi, sum viðvíkur økinum við skoytubreytina. Til ber at skriva umvegis boðklivan, um áhugi er at leiga skoytubreytina, sum kann leigast gerandisdagar frá kl. 10.00 til 12.00. 

Fyrispurningar kunnu eisini sendast til skoytubreyt@klaksvik.fo 

Lýsing
Seinastu tíðindini
Søguligar kappróðrarmyndir
Næmingar á Skúlatrøð vitjaðu Sjónám
Vita vit einki um føroyska skarvin?
Eingin kost­ráð­gevi knýttur at maga- og t…
Christoffur og Julia halda fram í Stjørn…
Kanningar til film um Lækna­stríðið
Fakligur íblástur til námsfrøðiliga økið
Methøgur solvensur og framgongd í realk…
Lands­stýrið linkar koronukrøvini
Grindin ongan veg farin
Nú síggjast tjøldur
Tøkk
Norðlýsið á gøtuni
Tunlarnir fjølgast
Bilur rendi á grót
Er nakað, sum vit eiga at vita?
Semingsstovnu­rin komin uppí samráðingarn…
Fríða: Fiskur og skeljadýr á matskrá…
Skelting og føroysk bendingarlæra
Ímyndir av kvinnum – goymt gull frá List…