Hitaskipanin hjá Betesda umløgd
Betesda hevur gingið nýggjar leiðir við síni hitaskipan fyri nú skjótt nógvum árum síðan. Tær fyrstu myndirnar, sum undirritaði tók, eru frá 24.11.12. Tær eru tiknar av gravingini fyri brunninum uttast á útfyllingini á Sandinum og eisini undir bygging.
Tað var eina mest Esmar Müller, maskinkønur, sum saman við øðrum skipaðu fyri – Teirra millum Dánjal Poulsen, bilførara og Ragnar Olsen, ið gróv við maskinuni hjá Andreas Poulsen. Teir skipaðu fyri at seta brunnin niður til inntakið til sjóhitaskipanina hjá Betesda niðast á útfyllingini á Sandinum.
Sjóhitaskipanin hjá Betesda kom at virka út á heystið í 2013. Men annars varð húsið tikið í brúk í mars 2014. Alt arbeiðið varð gjørt av fleiri, sum bjóðaðu seg fram - við sjálvbodnari arbeiðsmegi, ið er rættiliga virðismikið.
Skipanin hevur virkað væl í hesi skjótt sjey árini, og hevur hitað teir 870 m2 uttan trupulleika, Betesda er í grundvídd.
Nú tá ið nýtt kappróðrarneyst verður bygt niðri á Sandinum, er neyðugt at taka brunnin til sjóhitaskipanina hjá Betesda burtur. Men hesum vistu menn av, og er fyri tíð síðan skipa so fyri, at til ber hjá Betesda at binda í kommunalu skipanina, sum er løgd við sama endamáli fram við Betesda.
Tí stendur Esmar Müller so aftur fyri at umleggja hitaskipanina til kommunalu rørini, sum m.a. eisini veita hita til Biskupstorg, Skúlatrøð, komandi Húsarhaldsskúlan og Mentanarhúsið.
Hetta er skjótt og lætt arbeiðið, tí ventilarnir, ið eru gjørdir til úttakið til Betesda, eru kendir og eyðmerktir til endamálið.