Nýtt kaiøki á Vestursíðuni
Tað eru menn og maskinur frá Kanjon, sum steinseta eitt økið á o.u. 1800 m2 millum verandi kai niðanfyri gamla Skipafelagsbygningin og heim til Heimarukai.
Ein beton-kista er set niðurvið endanum á havnalagnum niðanfyri gamla Skipafelagsbygningin, so atløguøkið her verður longt nakað. Eitt av endamálinum við hesi kistuni er eisini at hava byrjað tann hamara, sum seinni kemur. Men kistan er ikki minst fyri at verandi atløguøkið kann brúkast, og at dýpið er nøktandi framvið, so ífyllugrót ikki kemur ov langt at, har bátarnir annars skulu liggja.
Restin av ífylluøkinum verður steinsett við dekkgróti út móti sjónum heim til Heimarukai, so her verður ikki atløgusíða.
Kostnaðurin fyri hetta arbeiðið er mettur til 4,5 mió kr. og skal standa liðugt í summar.
Hetta lendið gerst so eisini byggilendi hjá Blikksmiðjuni, sum hevur ætlanir um at byggja ein størri bygning á hesum staði. Tá ið grótið hevur sett seg, sum kann taka nakað av tíð, verður farið í gongd við at byggja, verður sagt av Blikksmiðjuni.