Upptakt: ÍF-KÍ
KÍ skal í dag royna at fáa 6. sigurin á rað í landskappingini, tá ÍF við fleiri fyrrverandi KÍ-leikarum tekur ímóti.
KÍ hevur fingið eina flúgvandi byrjan uppá landskappingina og skal í dag royna at koma uppá 18 stig fyri seks dystir. Hinvegin hevur KÍ ikki bara havt viðgongd, tí týskvøldið segði KÍ annað árið á rað farval til steypakappingina í 1. umfari á heimavølli. Tað avrikið hjá KÍ var lítið sannførandi, og tað saman við, at KÍ hevur dyst móti HB mikudagin kann gera, at tað vera fleiri leikarar í KÍ-uppstillingini, sum ikki spældu frá byrjan móti NSÍ. Hjá KÍ var Daniel Bjørkman ikki við seinast vegna skaða, og hann verður neyvan tøkur hesaferð heldur. Árni Frederiksberg mátti skiftast út móti NSÍ, men hann er aftur í fullari venjing. Hjá ÍF hevur Filip Djprdjevic sitið nógv á bonkinum síðstu dystirnar og spurningurin er, um vandamikli álopsleikarin spælir frá byrjan hesaferð saman við Uros Stojanov, sum hevur skorað fýra av átta málum hjá ÍF.
Dysturin í Fuglafirði í dag byrjar kl. 15.00. Dómari verður Bjarki Danielsen.