Hóast vit bara eru í apríl, so kann talan blíva um ein avgerandi dyst.

Mikukvøldið kann nógv broytast í toppstríðnum í Betri Deildini. Tá møtast tey fýra bestu í innanhýsis dysti. Greitt er undan umfarinum, at KÍ varðveitir oddasessin, men munurin niður til verandi greipuvinnarar úr HB kann blíva tvey stig, fimm stig ella átta stig. Tað er ein øgiligur munur á. Dysturin millum NSÍ-Víking kann blíva dysturin um, hvat av hesum liðum skal vera fremsti avbjóðarin til KÍ og møguliga HB. Siga vit, at HB og NSÍ vinna, so vera bara trý stig frá nr. 1 til 3, men siga vit, at KÍ vinnur og NSÍ-Víkingur spæla javnt, so hava øll trý liðini aftanfyri KI minst átta stig upp til 1. pláss. So stigatalvan kann broytast nógv mikukvøldið, men hon kann eisini einki broytast, tí tveir javnleikir eru ikki óhugsandi heldur.

Mikumorgunin hevur Norðlýsið upptakt til dystin, sum byrjar mikukvøldið kl. 19.00.