Gamli klassikarin er hesaferð eins og í gomlum døgum ein dystur millum nr. 1 og 2. Liðini hava síðstu árini í tíðarskeiðum kappast í toppinum, men ongantíð hava bæði enda í topp 2 samstundis.

Hesaferð er KÍ fimm stig frammanfyri undan dystinum. Hjá KÍ eru skaðar, sum raka hópin í løtuni. Seinast vóru Deni Pavlovic, Daniel Bjørkman og Bob Sumareh ikki tøkir vegna skaðar. Talan er ikki um álvarsamar skaðar, men teir vera neyvan allir tøkir hesaferð heldur. Síðani er spenningur um málmansplássið, tí Mathias Rosenørn vardi málið móti ÍF í sínum fyrsta dysti hetta kappingarárið. Árni Frederiksberg fór út í hálvleikinum móti ÍF, men hann er tøkur.

Hjá HB hava Mads Mikkelsen og Jákup Thomsen ikki verið við síðstu tíðina. Hinvegin er Sunday Odeh nú tøkur eftir, at hann hevur fingið leikaraloyvini uppá pláss.

Dysturin í Klaksvík byrjar kl. 19.00. Dómari verður Jóhan Hendrik Ellefsen.