Mikkjal K. Thomassen hevði venjarabann, og tað gjørdi, at KÍ styrkti bonkin við sínum báðum Pro-venjarum frá Akademinum.

Fyrr í vikuni gjørdist greitt, at KÍ-venjarin, Mikkjal K. Thomassen, fekk ein dag eyka fyri sítt reyða kort móti HB. Sum skilst er tað fyri okkurt, sum hendi eftir, at hann var burturvístur m.a. at hann kom inná vøllin beint eftir dystin, sum sambært reglugerðini ikki er loyvt hjá bannaðum venjara.

Til dagsins dyst hevði KÍ styrkt venjaratoymið á síðulinjuni. Báðir svensku Pro-venjararnir frá KÍ-akademinum, Glenn Ståhl og Jens Wedeborg, vóru komnir afturat og væl hilnaðist eins, og tað gjørdi móti 07 Vestur og síðstu løtuna móti HB.

Hósdagin møtir KÍ 07 Vestur á útivølli og tá kann Mikkjal K. Thomassen stýra liðnum aftur frá beinkinum.