Lýsing
Lýsing

Nýggj føroysk lóg um foreldramyndugleika og samveru

SKRIVAÐ: amr.fo  |  16.06.2021 - 19:47 Politikkur Tíðindi

Nú verður lættari hjá foreldrum at fáa felagsforeldramyndugleika.

Elsebeth Mercedis Gunnleygsdóttur, landsstýriskvinna hevur seinastu tíðina arbeitt við at orða eina føroyska lóg um foreldramyndugleika og samveru, soleiðis børn fáa rætt til bæði mammu og pápa, og at rættindi og skyldur verða staðfestar.


Foreldramyndugleiki
Við nýggju lógini fáa ógift foreldur betri møguleika at fáa felags foreldramyndugleika, og myndugleikar fáa heimild taka avgerð um felags foreldramyndugleika.


Bústaðurin hjá barninum

Sum nakað nýtt kann avgerð takast um bústaðin hjá barninum. Við hesi heimild fáa foreldrini betri møguleika fyri at varðveita felags foreldramyndugleika, av tí at bústaðurin hjá barninum ofta kann vera tað, sum ósemjan snýr seg um, tá ið foreldrini ynskja at avtaka felags foreldramyndugleika.


Samvera

Ásetingarnar um samveru verða nágreinaðar og víðkaðar m.a. soleiðis, at samvera kann ásetast við onnur enn foreldur, sum barnið er knýtt at. Eisini verður ásett, at samveruforeldrið hevur rætt til sjálvvirkandi viðbótarsamveru fyri mista samveru, um bústaðarforeldur hevur forðað samveru uttan haldgóða orsøk. Hetta merkir, at nýggj samvera verður ásett fyri mistu samveruna.


Barnsins besta

Við nýggju lógini verða rættindi hjá barninum tryggjaði og styrkt. Tryggjað verður, at allar avgerðir verða tiknar við atliti at barnsins besta, og at fyrilit skal takast fyri sjónarmiðunum hjá barninum.

Fyri betri at tryggja, at sjónarmiðini og hugsanin hjá barninum kemur fram, fær Familjufyrisitingin heimild at seta í verk barnaserkøna kanning og biðja um ummæli frá serkønum um foreldrini í sambandi við viðgerð av málum sambært lógini. Eitt barn, sum er fylt 10 ár kann eisini biðja Familjufyrisitingina byrja eitt mál um foreldramyndugleika, samveru og bústaðin hjá barninum við at kalla foreldrini á fund, har foreldrini og barnið fáa høvi at tosa um foreldramyndugleikan, bústaðin hjá barninum og samveru.

Uppskotið er sent til hoyringar hjá viðkomandi pørtum. Uppskotið liggur eisini á hoyringarportalinum hjá landsstýrinum, har øll við áhuga kunnu koma við viðmerkingum.
 

Lýsing
Seinastu tíðindini
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald