Lýsing
Lýsing

Vit krevja raðfesting og virðing av námsfrøðiliga økinum

SKRIVAÐ: Fyriskiparnir  |  17.06.2021 - 13:16 Politikkur Tíðindaskriv

Í morgin, fríggjadagin 18. juni kl. 10, verður mótmælistiltak við ráðhúsið og Vaglið í Tórshavn.

Mótmælistiltakið ber heitið “Vit krevja raðfesting og virðing av námsfrøðiliga økinum”. Tað eru foreldur at børnum á dagstovnum, ið skipa fyri.

 

Um tiltakið verður sagt:

Vit foreldur og avvarðandi at børnum, ungum og vaksnum á dagstovnum, fríðtíðarskúlum, bú- og viðgerðastovnum og stuðlum kring alt landið, stuðla Pedagogfelagnum í krøvunum um betri umstøður á námsfrøðiliga økinum.

 

Skal starvsfólkatrotið loysast, skal menniskjaliga haldførið innan námsfrøðiliga arbeiði tryggjast! Minsta normering má staðfestast í lóg, lønin skal vera virðilig sambært útbúgving og ábyrgd, og fyrireikingartíð skal tryggja fakliga innihaldið. Tað er slítandi ikki at hava ordiligar arbeiðsumstøður, og tað rakar í síðsta enda børn okkara og borgarar við serligum tørvi og avbjóðingum.

 

Praktiskt kunning:

Tiltakið byrjar kl. 10, tá Løgtingið kemur saman. Røður og felagssangur verður. MBM stuðlar við Mist og kakao til børnini.

 

Vit hava verið í samband við koronuráðráðgevingini og hava fingið loyvið at skipa fyri tiltakinum. Vit deila økið upp í tvey, soleiðis at tey úr vesturbýnum ganga móti Vaglið frá Steinatúni og tey, ið koma úr Eysturbýnum ganga frá kaini ella Vágsbotni. Vit vóna at tit møta fjølment og halda frástøðu, so væl sum gjørligt.

 

Tiltakið verður stroymt. Stroymingin sæst her: https://fb.me/e/2ymDKfMmE

 

Møtið fjølment og verið við at vísa á okkara felags stuðul fyri betri sømdir hjá námsfrøðingum á dagstovna- og serøkinum, tí tað er betri sømdir fyri okkara børn og fyri borgarar við serligum tørvi!

 

Fyriskiparnir

 

Lýsing
Seinastu tíðindini
Seyða­sýningin fyri Borðoynna 2021 útsett…
Stórar tunnilsverkætla­nir elva til stóra…
Theodor H. Sólbjørg 80 ár
Títlingur lítli
Nýtt lag frá I AM
Tummas: Vit fara á fund seinnapartin
Ránsætlan Fólka­floksins
Gev okkum eina Bíbil
Fráboðan
Tiltakið útsett - 100 ára minnisløta fyr…
Áheitan frá Team Klaksvík
Korona órógvar lands­kappingina
Høgni Mohr við bókaútgávu
Borgar­stjó­rin: - Støðan er undir kontrol…
Samhaldsfesti heldur enn Tunnilsfesti
Fimleikafagnaðu­rin útsettur
Asfalts­arbeiðið á Klaksvíksvegnum
Heimaflotin og búskapar­frøðingurin
Lands­læknin: Smittutøl­ini helst yvir 100
Støða verður tikin um ársveitsluna mikud…