Lýsing
Lýsing
Eitt lot diagonalt eftir eftir vøllinum í kvøld. | Mynd: www.coe.int

Dystarveðrið KÍ – RFS

SKRIVAÐ: Hanus Kjølbro  |  15.07.2021 - 12:00 Tíðindi Veðrið

Nakað væl betri veður í dag enn í gjár. Ættin í morgun hevur verið útsynningur-vestan; vindferðin hevur ligið um 5 – 10 m/s.

Út á seinnapartin fer ættin at flyta seg niður ímóti suðuri. Í kvøld er hon komin niður í sunnan ella vesturhallan sunnan. Vindurin í dag og í kvøld fer at vera meiri ella minni, sum hann hevur verið í morgun – t.e. um 5 til 10 m/s - tó eitt sindur ójavnur í løtum.

So er tað, hvussu tað er við sýni og avfalli. Tað hevur verið klárt í morgun við sólglottum kring landið, og soleiðis kann eisini væntast, at tað er seinnapartin.

Men eitt lítið regnøkið er á veg hendavegin vestaneftir. Veðurstovur kring okkum eru ikki heilt samdar, hvussu nógv ella lítið, tað fer at gera um seg. Men tað fer at draga samanum út á seinnapartin (blíva meiri skýggjað), og onkrir dropar fara helst at detta niður meðan dysturin er – serliga í Vágum og í Norðurstreymi. Kanska okkurt smávegis er eftir til Norðureysturoy og Norðoyggjar, men vónandi lítið ella einki.

Vit fáa at síggja.

Tá ið dystur er í kvøld klokkan 20 við Djúpumýru ímillum KÍ og RFS, eru 5 til 10 m/s av vesturhallum suðuri. Hetta er av Háfjalli og oman á vøllin.

Loftið fer at vera eitt bland av høgum og lágum skýggjum, og møguliga onkur ælingur er.

Hitin fer at liggja um 12 stig.

Lýsing
Seinastu tíðindini
Bjørt spyr um ríkisveiting og fíggjar­lig…
Áhugaverdur fyrilestur um fornar búsetin…
Eyðun av Reyni í Gamla Seglhúsinum
Krabbamein – ein ring sjúka
Biskupstorgið heldur 1 ára føðingardag -…
Framløga í: Fornminni fram við sjóvamála…
Hittust 50 ár eftir fyrsta skúladag
Dartkappingar­nar í gongd aftur
Veðrið í vikuni
Sjómannadagur í familjun­nar tekni
Gadus siglir heim
Tryggur 2-0 sigur til KÍ á AB
Beautemps-Beaupré úr Føroyum gjøgnum Djú…
Munandi betri avrik hjá flogbóltsmonnunu…
Føroya Sjómannadagur, skráin fyri 15.-20…
Meira um Húsarhaldsskúlan 
Upptakt: AB-KÍ
Rennibreytin tekur skap
Føroya Sjómannadagur mánadagin
Dagføring: Streymslit um alt meginøkið