Fyrradagin vóru Símun á Høvdanum og familjan ein túr í Munkholm Zoo, men dagurin bleiv munandi meira dramatiskur, enn nakar teirra hevði ímyndað sær. Ein 6-ára gomul genta og mostur hennara máttu bjargast úr einum innhegnaðum øki, meðan tær bløddu í høvdinum.

Símun hevur ringar royndir við lama’um, tí ein hevur spýtt eftir honum, og vildi tí ikki lata dóttrina fara inn at geva lama’unum mat. Og tá tey koma fram til búrið síggja tey, at ein genta og ein kvinna eru inni hjá djórunum. Stutt eftir hoyra tey eitt skríggj, ið helst er komið frá mammu lítlu gentuni og tá Símun og versonurin venda sær, síggja teir eina alpaca leggja eftir lítlu gentuni.

Símun greiðir frá til BT, at alpaca’in fellir bæði gentu og kvinnu, og at báðar enda við at liggja niðri, og tá trampar alpaca’in á tær. Teir leypa báðir til hjálpar, og versónurin roynir at sláa alpaca’ina, men tað hjálpir lítið. Men lítla gentan klárar at grulva aftur um Símun og haðani klárar hon at renna út til mammuna. Mostirin varð eisini bjargað, og segði við Símun, at hann og versonurin høvdu bjargað lívinum hjá báðum.

Munkholm Zoo váttar yvirfyri TV2 Østjylland, at báðar høvdu blóð í andlitinum, men at alpaca’in neyvan hevur trampað á tær. Tey vilja vera við, at alpaca’in hevur vart seg og fýrt tær, men hevur ikki lopið á gentuna og kvinnuna. Símun hevur ikki tað stóra at siga til tað, men vónar bara, at mostirin og gentan hava tað gott, og at tey á  Munkholm Zoo læra av tilburðinum. Hann leggur afturat, at hann ynskir Munkholm Zoo alt tað besta í framtíðini.

Kelda: https://www.bt.dk/samfund/simun-saa-alpaka-gaa-til-angreb-paa-seksaarig-pige-og-kvinde-de-havde-blod-i-hele