Lýsing
Vitjaðu heima hjá Jórun
Børnini í barnagarðurin á "Tunguni", tað er barnagarðurin Mylnuhúsi útistovan, ið búleikast í húsunum á Tunguni úti í Grøv, vitjaðu í dag heima hjá Jórun Johansen, konu Karl Johansen borgarstjóra.
Norðlýsið kom fram á tey, tá tey høvdu gingið allan vegin av Grøv og út í Klaksvík, har tey sótu so fitt og ótu matpakkan stutt áðrenn miðdag.
Hagani gekk leiðin út til Jórun, sum hevði fyrireika seg við íspinnum og øðrum góðum. Niðanfyri húsini hjá borgarstjóranum og Jórun er ein sera hugnalig "sandstrond", her stakaðust børnini óført, tá vit fingu loyvi at taka nakrar myndir.
Veðrið var gott og tey stórtrivust, spældu við tundurbátar og sóu bátar sigla framvið. Aftur ein dagur við frískum innihaldi hjá børnunum í útibarnagarðinum.
Seinastu tíðindini