Føroyar skifta fáar leikarar og Danmark skiftir nógvar leikarar
Liðini høvdu í dag sínar síðstu venjingar undan landsdystinum á Tórsvølli leygarkvøldið.
Ábendingarnar frá føroysku venjingini vóru, at tað vera fáar broytingar frá seinast. Verjuparturin væntast at blíva tann sami, meðan onkur broyting verður longri frammi. Hallur Hansson kemur heilt vist inná liðið, og so er spurningurin, um Jóan Símun Edmundsson eisini ger tað. Tað væntast ikki stórvegis fleiri broytingar enn tað.
Hjá Danmark vera nógvar broytingar og tipsbladet.dk væntar, at allir útileikararnir vera skiftir. Tað er tó ikki vist, at tað vera so nógvar broytingar sum tipsbladet.dk væntar. Danmark loyvdi ikki tíðindafólkunum at síggja meir enn fyrsta korterið av venjingini. At Danmark skiftir nógvar leikarar út kann vera gott fyri Føroyar, men men tað kann eisini vera øvugt, tí Danmark vann 8-0 móti Moldova, tá Danmark gjørdi 10 broytingar í somu støðu millum tveir dystir, sum á pappírinum vóru torførari.
Føroyar-Danmark spæla leygarkvøldið kl. 19.45 á Tórsvølli.