Akademiið hjá KÍ í fremstu røð
Sunnukvøldið vísti U15-liðið hjá KÍ, at framgongdin er gjøgnum árið hevur verið eyðsýnd.
Í gjár var steypafinala hjá U15-dreingjum. KÍ var undan dystinum ikki mett at hava nakran møguleika, men dysturin vísti nakað annað. KÍ-arnir stríddu seg til javnleik í vanligu leiktíðini og høvdu málmøguleikar til at vinna dystin. Tað hevði HB eisini. Í longdu leiktíðini skoraði HB tvey mál.
Fleiri av teimum sum standa hesum U15-liðnum nær hava víst á, at hetta KÍ-liðið hevur gjørt øgilig framstig síðstu árini, tí hetta er ikki ein árgangur, sum vanliga megnar at spæla upp oti teimum bestu liðunum. Hjá U17 vann KÍ greiðan sigur í steypafinaluni og nú er U13-finalan eftir. Alt hetta vísir, at tað helst er nakað sum verður gjørt rætt á nýggja akademinum hjá KÍ, hóast ein ikki altíð skal leggja alt ov nógv í úrslit í ungdómsfótbólti í mun til stóra endamálið, sum er at skapa leikarar, ið eru nóg góðir til besta liðið ella at oma enn longri enn tað.
Steypafinalur hjá KÍ í yngru deildunum 2021:
U17 dreingir: Víkingur-KÍ 1-5
U15 dreingir: HB-KÍ 3-1 (eftir longda leiktíð)
U13 dreingir: KÍ-HB (1. oktober kl. 17.30 á Tórsvølli)
U13 gentur: KÍ-NSÍ (2. oktober kl. 10.30 á Tórsvølli)
Niðanfyri eru myndir, sum Bjarni Enghamar/FSF tók av U15-finaluni í gjár.