Mjølnir inn um skúlagátt
Næmingar í 10. flokki fingu fyrrapartin frálæru í flogbólti av høvuðsvenjarinum hjá Mjølnir
Ítróttarlærararnir á Skúlatrøð Unnur Fonn og Dánjal Danielsen høvdu gjørt av, at ítróttartímin hjá 10. flokki í dag skuldi nýtast til flogbólt. Og venjingin var á høgum støði, tí tað var sjálvur høvusðvenjarin hjá Mjølnir, sum tók sær av venjingini.
Cristian Imhoff er leikandi venjari hjá besta mansliðnum hjá Mjølnir, umframt ungdómsdeildunum eisini. Hann hevur staðið á odda fyri eini ekplosivari tilgongd av ungdómsleikarum á dreingjasíðuni. Gentur hava altíð verið raskar at vant flogbólt, meðan tað seinastu mongu árini hevur verið trupult at fingið dreingir at vant. Men nú er, sum sagt, vend komin í.
Ætlanin er at fleiri árgangir, fleiri flokkar á Skúlatrøð fáa møguleikan, at venja flogbólt við Cristian Imhoff við endan.
Fyri Mjølnir er hetta góður háttur, at sjónligera flogbóltin fyri teimum ungu og vónandi útvega sær enn fleiri ungar leikarar.