Eplafestivalurin á Sandi
Árligi Eplafestivalurin verður 2. oktober 2021 á Sandi. Gleði tykkum til ein deiligan, bygdasligan og hugnaligan dag við góðum fólki og góðum mati. Á skránni er m.a. góður matur úr føroyskum rávørum, góður tónleikur, stand-up, barnatiltak við gyklarinum Rógva, keypsbásar, pubb og dansur um kvøldið.
Dagurin byrjar kl. 10 við at Sands Kommuna bjóðar til eitt stórt ókeypis morgunmatarborð við føroyskum rávørum í hølunum hjá kommunuskrivstovuni á Mørkini Miklu 3. Øll eru hjartaliga vælkomin.
Gongutúrur byrjar kl. 11 við Gamla Skúla. Sølustøð lata upp kl. 12 ymsastaðni á Sandi. Her verða góðar føroyskar rávørur til sølu – eitt nú føroyskt grønmeti og føroyskt kjøt. Harumframt verður millum annað djóragarður, loppumarknaður, uppboðssøla av seyði, kajakkrógving, eplakastkapping og ymisk barnatiltøk. Um kvøldið verður dansur í Virkinum við bólkinum Reyn. Dagurin endar, tá síðstu gestirnir fara heim. Sí skránna fyri nærri kunning.
Heimamatstovur
Ongin eplafestivalur, uttan ein góðan bita við føroyskum rávørum. Í ár eru fleiri heimakaféir at vitja, har til ber at støkka inn á gólvið og fáa ymiskan mat úr góðum føroyskum rávørum. Sí skránna.
Heimakonsertir og stand-up
Fýra hugnaligar heimakonsertir verða ymsastaðni í bygdini og eitt stand-up verður við Elisu Vang. Tónleikararnir sum framføra eru HORRSE (Ragnar Finssom), Sámal Ravnsfjall, Janus á Húsgarði og Herborg Torkilsdóttir. Um tú vil tryggja tær atgongumerki, ber til at keypa atgongumerki til húsakonsertirnar og stand-up her
Um atgongumerki eru eftir, tá tiltøkini byrja, verða tey seld við dyrnar.
Eplakast
Eystanfyri húsini hjá Arabo, á stykkinum har brunnurin stendur, verður kapping í eplakasti. Talan er um longdarkast fyri kvinnur, menn, gentir og dreingir. Tilmelding er á staðnum og vinningar verða givnir fyri longsta kast.
Tiltøkini á eplafestivalunum eru ókeypis, tó er kostnaður fyri stand-up og heimakonsertirnar 50 kr hvør.
So lat teg í tín besta jakka og kom við til ársins eplafestival 2021 á Sandi !
Meira kunning um Eplafestivalin sæst á facebook síðuni: facebook.com/eplafestivalurin
Skráin
10.00 - 12.00 Sands kommuna bjóðar góðan morgunmat við heimabakaðum bollum og
stuttfluttum viðskera (Mørkin Mikla 3)
11.00 Gongutúrur við Róanum Clementsen. Byrjar við Gamla skúla og gingið verður út
eftir Nýpuni og út í Sprutthol
12.00 - 16.00 Djóragarður omanfyri hoyløðuna hjá “Beggu- Jógvani”. Eisini ber til at keypa
kaffi/the og okkurt søtt afturvið
12.00 - 17.00 Kappingin "Leita eftir eplamonnum/kvinnum" (Kappingarreglur eru á
kommunuskrivstovuni)
12.00 - 17.00 Kajakkrógving á Sandsvatn er opið (Tilboð 100 kr fyri 2 tímar - ring 505670)
12.00 - 17.00 Loppumarknaður og onnur søla í Virkinum
12.00 - 19.00 Lions Tindur. Listaframsýning í Virkinum. Øll verkini eru til sølu. Ágóðin fer til vælgerandi
endamál. Møguligt er at vinna listaverk, stuðlað av MOWI. Hvørt atgongumerki kostar 20 kr og er samstundis ein lutaseðil.
12.30 Traktor parada. Byrjar við Sands skúla og koyrt verður út eftir Ovaravegi og runt
13.00 - Matarstøð/Kaféir og Veltan lata upp
13.00 - 17.00 Miðstovugarður hevur grønmetissølu við pubbina (Heimasandsvegur 45)
13.00 - 17.00 Mat & Moldmentanarháskúlin er opin
14.00 - 02.00 Pubbin hjá Árabo er opin (Heimasandsvegur 45)
14.00 Kapping í eplakasti niðanfyri hjá Árabo (Heimasandsvegur 45)
14.30 Dansitiltakið Girl Hop Crew í Virkinum
14.30 Gunnar Bjarnason heldur ein fyrilestur um epli á Bókasavninum
15.00 Neytalortakapping
15.30 Barnatiltak við Gyklarinum Rógva í Virkinum
17.00 - 17.45 Herborg Torkilsdóttir konsert hjá Barbaru Vang, Sandabrekkan 4. Kaffi/the
og okkurt søtt verður eisini til keyps
18.00 - 18.45 HORRSE (Ragnar Finnsson) konsert hjá Dagunn Jógvansdóttir og Eyðfinn
Clementsen, Koytugøta 6
19.00 - 19.45 Stand-up (Uppistand) við Elisu Vang hjá Jacobinu Fagradal, Í Nesi 7
20.00 Uppboðssøla av seyði út við Pubbina hjá Árabo
20.00 - 20.45 Janus á Húsagarði konsert hjá Marnar og Beintu Højsted, Ovarivegur 57
21.00 - 21.45 Sámal Ravnsfjall hjá Adu Horn, Miðgøta 5 (inneftir læknavegnum)
21.45 Pubbin hjá Árabo: Eftir konsertina hjá Sámal Ravnsfjall fara Oddfríður og
Sunnleiv Rasmussen at bera fram yrkingar og søgur
22.30 Felagssangur í Virkinum
23.30 Dansur í Virkinum við bólkinum Reyn
Matarstøð og annað
Nescafé nr. 16
Í Nesi 16. Frá kl. 13.00-22.00. Vit taka ímóti gjaldskorti. Her fæst m.a.:
- Heimabakað smurt breyð við føroyskum viðskera
- Fiskasuppa
- Føroyskar vørur úr Skemmugarði, td. Suðuroyarsperlar, sviðin seyðarhøvd, nýupptikin eplir, rullu- kjøt-& blóðpylsur.
- Heimagjørt frá @Pauladóttur
- Kaffi, te, sunkist, øl, vín og cider.
- Kl 13, 15 & 17 fletta vit 1 lamb, og verður væl greitt frá, meðan flett verður.
Alt av lambinum verður tikið til høldar.
Kafe stuttflutt í hoyløðuni á Reynatúgvu.
Heimasandsvegur 84. Frá kl. 13.00-20.00. Bert kontant søla. Vit selja:
Pettað/taðað ræst kjøt við rótamos, stuttflutta kjøtsuppu, kaffi/te og okkurt søtt afturvið. Eisini ermøguligt at keypa vøru úr Dalsgarði, so sum ræst kjøt, garnatálg, kjøtpylsu, skerpikjøt í leysari vekt, sápuog krem.
Kafé Muh Muh
Hoyggjhúsið á klovanum. Vit hava opið frá kl. 13.00-04.00. Vit taka ímóti gjaldskorti.
Vit selja Fisk&kips, popkorn, candyfloss og eplahvirlur
BinuKafe
Í Nesi 7 (Í Bilhúsinum). Vit hava opið 13:00 - 19:00. Vit bjóða:
Súpan, kaffi/te og søtt afturvið. Grønmetið frá Uttastovugarðinum fæst eisini til keyps.
Klokkan 19:00 hevur Elisa Vang Stand-Up
Kramarhúsið
Sølubúð í bilskúrinum á Ágarði 6. Vit hava opið 13:00 - 17:00
Kom og fyll kramarhúsið við rabarbuísi, bróstsukri, slikkipinnum, poppkorni og øðrum góðum. Eisini bertil at fáa sær ein drekkamunn og nýbakaðar vaflur.
Grønmetissøla
Heimasandsvegur 127
Smáepli/petitepli og spísskál.
Hárfríðkan við Tóru Knudsen
Í Nesi 6. Vit hava opið 14:00 - 16:00. Kaffi/te, kaku og okkurt leskiligt til børnini. Samstundis kunnu børn ella barnsligar sálir fáa flætta hár og/ella lit spray! Prísir:
Flætta 100kr
Lit 50kr