Fríggjadagin er tað farið so langt eysturum, at tað missir takið á veðrinum her hjá okkum, og ein hátrýstryggur við góðum veðri av útsynningi ella vestri fer at stinga seg upp til okkara. Góða veðrið er fríggjadagin og stóran part av leygardegnum.

Sunnudagin nærkast næsta lágtrýstið, og so er lágættin aftur. Tað lágtrýstið er als ikki so djúpt, sum tað fyrra, sum er nevnt omanfyri.

Veðrið hesa vikuna – ítøkiligt dag fyri dag:

Mánadag: Landsynningur – vindferðin minkar úr 10 til 15 m/s í morgun niður í 8 til 13 m/s í kvøld. Yvirhøvur turt fyrrapartin, ælaveður seinnapartin – og fitt av regni í kvøld. Hitin liggur um 8 til 10 stig.

Týsdag: Útsynningur-sunnan á morgni, 5 til 10 m/s, men minkandi út á dagin. Um kvøldið eru undir 5 m/s. Ælaveður um náttina, men tað slítur í út á morgunin, og so er turt allan partin. Hitin liggur um 10/11 stig.

Mikudag: Landnyrðingur-norðan, 10 til 15 m/s á morgni, sum veksur upp í 15 til 20 m/s út á seinnapartin. Tað minkar ikki fyrr enn nakað er ligið út á kvøldið. Regn allan dagin, og hitin fer at liggja um 5 til 8 stig.

Hósdag: Minkandi vindur av landnyrðingi-norði, úr 15 til 20 m/s um náttina niður í 10 til 15 m/s á middegi og undir 5 m/s um kvøldið. Ælaveður við regni ella vátaslettingi, og hitin fer at liggja um 4 til 6 stig.

Fríggjadag: Minkandi vindur av landnyrðingi-norði, úr 15 til 20 m/s um náttina niður í 10 til 15 m/s á middegi og undir 5 m/s um kvøldið. Ælaveður við regni ella vátaslettingi, og hitin fer at liggja um 4 til 6 stig.

Leygardag: Eitt lítið lot av útnyrðingi-norði, undir 5 m/s, um náttina og fyrrapartin. Seinnapartin fer hann at mala úr ymsum ættum, men um kvøldið fer hann at koma út útsynningi. Vindferðin fer neyvan upp um 5 m/s fríggjadagin. Yvirhøvur turt – tó okkurt æl í støðum við regni. Hitin fer at krúpa seg upp í 8 til 10 m/s.

Sunnudag: Sunnan, vindferðin veksandi úr 5 m/s um náttina upp í 7 til 12 m/s um kvøldið. Yvirhøvur turt allan dagin, og hitin fer at liggja um 9 til 11 stig.