Veðrið um vikuskiftið
Tað fer at verða lýggjari í vikuskiftinum, enn tað hevur verið teir seinastu dagarnar.
Ein hátrýstryggur stingur seg ímillum tvey lágtrýst seinnapartin í dag.
Hann hevur ligið av útnyrðingi í morgun, vindferðin hevur verið um 3 til 8 m/s. Seinnapartin fer hann at mala út ymsum ættum, men í kvøld er tað útsynningur og seinni suðurætt. Vindferðin um 2 til 7 m/s. Turt og skýggjað restina av degnum, tó onkur sólglotti - hitin fer at liggja um 4-6 stig.
Í morgin fer at regna - tað byrjar um morgunin og heldur á mestsum allan dagin. Ættin verður sunnan, útsynningur um kvøldið. Vindferðin fer at liggja um 8 til 13 m/s. Hitin fer at veksa úr 6 upp í 11 stig.
Sunnudagin er turrari. Turt fyrrapartin, regn eina løtu seinnapartin og ælaveður um kvøldið. Ættin fer úr útsynningi niður í sunnan. Vindferðin fer at liggja um 5 til 10 m/s. Hitin fer at liggja um 9-10 stig.
Gott vikuskifti.