Veðrið í vikuni
Veðrið í vikuni fer at vera ávirkað av lágtrýstum, sum ferðast ímillum Føroyar og Ísland; seinnapartin í vikuni sunnan fyri Føroyar.
Vit fara at fáa vestara partin á lágtrýstunum á okkum, tað er har lágættirnar eru. Tær fara at dominera veðrið líka fram til vikuskiftið. Eftir tað er høgættin aftur.
Veðrið í vikuni - dag fyri dag:
Mánadag: 8 til 13 m/s av útsynningi, Seint seinnapartin minkar vindurin niður í 3 til 8 m/s, og ættin fer upp í vestan. Skýggjað og ælaveður allan dagin, og hitin fer at liggja um 8-9 stig.
Týsdag: Lítil vindur av suðuri um náttina, um 5 m/s ella minni, men veksandi eitt sindur fyrrapartin. Eitt sindur út á seinnapartin eru 7 til 12 m/s av landsynningi. Seint um kvøldið minkar aftur. Yvirhøvur turt fyrrapartin, men seinnapartin fer at regna, og tað regnar restina av týsdegnum. Hitin fer at veksa úr 8 stigum upp í 11 stig.
Mikudag: 10 til 15 m/s av útsynningi-suðuri. Um kvøldið sunnan. Skýggjað og yvirhøvur turt, tó æl í støðum. Hitin fer at liggja um 9 til 11 stig.
Hósdag: 10 til 15 m/s útsynningi-suðuri. Skýggjað og yvirhøvur turt. Hitin fer at liggja um 9 stig.
Fríggjadag: 8 til 13 m/s av landsynningi-eystri, men út á dagin fer at mala úr ymsum ættum, og vinurin minkar niður í lítið og einki. Um kvøldið eru um 5 m/s av útsynningi. Regn størsta partin av degnum, og hitin fer at liggja um 7-8 stig.
Leygardag: 5 m/s av útsynningi. Ælaveður fyrrapartin, men annars yvirhøvur turt. Hitin fer at liggja um 7-8 stig.
Sunnudag: 10 til 15 m/s av norði um náttina og út seinnapartin. Um kvøldið minkar vindurin niður í umleið 5 m/s. Avfall við regni ella vátakava um morgunin; turt seinnapartin. Hitin fer at liggja um 5-7 stig.