Lýsing
Sluppin
Í dag kemur út bók nevnd ”Sluppin”, sum Sune Joensen hevur skrivað.
Sune Joensen setur við hesum verki ein sjaldsaman varða yvir skipið, ið legði lunnar undir føroyskan fiskiskap á fjarleiðum.
Hóast vrakað av onglendingum, komu hesi skip at verða grundstuðulin í føroyskum vinnulívi í langa tíð.
Tann fyrsta varð keypt í 1872. Tað eru tí 150 ár liðin, síðan sjøtul varð settur á tað virksemið, sum seinni kollvelti føroyska bóndasamfelagið.
Men hvussu sigldu menn tvørtur um høv við hesum førum? Hvussu vóru tey riggað?
Sune hevur skrásett og teknað hvønn smálut og hvønn togenda á sluppini og greiðir í hesari bókini frá, hvussu hvørt sprek í farinum varð nevnt og brúkt.
Seinastu tíðindini