Lýsing
Lýsing

Ein skeiklaður heimur?

SKRIVAÐ: Árni Dahl  |  23.11.2021 - 07:00 Lesarabrøv Politikkur

Tað er REYÐA KROSSI í Føroyum til miklan sóma, at felagsskapurin eitt sunnukvøld í novembur klárar at savna inn á leið tríggjar milliónir – 3.000.000 – sum sambært samrøðu við formannin í høvuðsheitum skulu brúkast til at hjálpa fólki í Afghanistan, har ið hungur valdar.

Men hvør spyr, hví hungur valdar í hesum óeydnulandi?

Kongsríkið DANMARK, sum vit eru partur av, hevur seinastu tjúgu árini brúkt um leið 20 milliardir – 20.000.000.000 – at kríggjast í Afghanistan.

Og høvuðslandið í herfylkingini, USA,  brúkti so nógvar pengar, at eg ikki hætti mær at skriva talið, men tað verður vanliga lýst soleiðis:

Høvdu amerikumenn í staðin fyri bumbur tveitt kontantan pening yvir Afghanistan, hevði hvør afghani, frá barninum í vøgguni til gamalmennið á gravarbakka, kunnað lagt undir koddan tað, sum í okkara pengum svarar til 375.000 krónur.

Sum nevnt hava vit alla orsøk at rósa teimum fólkunum, sum sjálvboðin dugna REYÐA KROSSI í Føroyum eina hond. Og neyvan munnu vera fleiri lond í heiminum, ið stuðla so dyggiliga, sum føroyingar hava stuðlað – hetta borið saman við fólkatalið.

Men okkara neyðhjálp svarar til millum 7 og 8 oyru til hvønn afghana.

Her er einki nevnt um tey tár, sum runnið hava hesi árini. Sum vit kvøða í gomlu vísuni um svenska kongin Sverker: “Her er tabt og her er vundet/Her sørges på begge sider”.

Men lat okkum vóna, at okkara kristiligi uttanríkisframherji hevur hetta í huga, tá ið hann um miðjan jólamánaðin sessast við samráðingarborðið at tingast við danska krígsmálaráðharran um nýggjan radara, sum er liður í nýggjari hernaðardubbing – og sum fer at gera okkum til álopsmál, enn einaferð.

 

Árni Dahl

 

Lýsing
Seinastu tíðindini
Stórt tunnilsblað fríggja­dagin
Nú mugu vit vakna
J&K Petersen skipaði fyri tornkranaskeið…
B36 vann løgmanssteypið
Veðrið í vikuni
“TEIR SJEY LESTRAR­NIR”-gudstænasta við a…
Greining: Fólkið vrakar samgonguna og ve…
Mjølnir greiddu sína skyldu
Team Klaksvík hevur skift venjara
Pensjonistar framvegis fyri vanbýti – og…
Sigurin komin undir land
Jóla­heilsan frá borgar­stjóranum
Dagføring av koronastøðuni
Sama jóla­kalendara øll barnaárini
Frimodt spyr um prísáseting hjá Landssjú…
Tríggjar ferðir ræst kjøt sama dag
Í viðarlund­ina eftir jólatræi
Norðlýsið á gøtuni
Eingin postbátur frá 6. desembur til 3.…
Jóla­træshaldið í Svínoy avlýst