Veðrið í vikuni (vika 48)
Høgættin fer at liggja alla vikuna, so vit fara at fáa eitt rák av kaldari luft rekandi ímóti okkum av havleiðunum norðanfyri.
Hitalagið fer at krúpa seg spakuliga uppeftir úr 1-2 stigum mánadag seinnapart upp í 5 stig sunnudagin.
Ongantíð nógvur vindur – mesti vindur onkra løtu mánadagin og allan mikudagin, 10 til 15 m/s. Lítil og eingin vindur aðrar dagar.
Frá mánadegi seinnapart og líka til sunnudagin fara vit at hava smáælingar við kava – annars fyri tað mesta turt.
Veðrið fyri hvønn dag í vikuni.
Mánadag: Um náttina útsynningur, undir 5 m/s, men seinnapartin norðan, 10 til 15 m/s, sum minkar út á kvøldið niður um 5 m/s. Regn um náttina, men tað slítur, eftir at ættin er farin upp í norðan. Eftir tað eru kavaæl.
Hitin fer at liggja um 5-7 stig út á fyrrapartin, men so kavar tað niður í 2 stig nakað eftir døgurða.
Týsdagin: Um náttina og morgunin norðan, 5 til 10 m/s. Eina løtu fyrrapartin landnyrðingur eystan, 5 til 10 m/s. So er aftur norðan, 8 til 13 m/s. Yvirhøvur turt, men tó kunnu væntast kavaælingar.
Hitin fer at liggja um 1 – 3 stig.
Mikudag: Norðan ella útnyrðingur norðan, 10 til 15 m/s. Yvirhøvur turt, men tó kunnu væntast kavaælingar.
Hitin fer at liggja um 2 – 4 stig.
Hósdag: Norðan ella landnyrðingur norðan, 10 til 15 m/s, sum minkar niður í einar 5 m/s út á seinnapartin. Líka sum dagarnar frammanundan: yvirhøvur turt, tó kunnu kavaælingar væntast.
Hitin fer at liggja um 2 – 4 stig.
Fríggjadag: Landnyrðingur, um 5 m/s. Enn ein dagur, har tað fyri tað mesta er turrveður, tó undantikið løturnar við kavaælingi.
Hitin fer at liggja um 4 stig.
Leygardag: Landnyrðingur norðan, 5 til 10 m/s. Aftur her yvirhøvur turt, tó kavaælingar kunnu væntast.
Hitin fer at liggja um 4 – 5 stig.
Sunnudag: Landnyrðingur norðan um morgunin og fyrrapartin, 5 til 10 m/s. Seinnapartin fer hann at mala úr ymsum ættum, 1 til 3 m/s. Yvirhøvur turt allan dagin.
Hitin fer at liggja um 5 stig.