Hetta spratt helst úr, at fyri nøkrum árum síðan leiddi Fiona Parker Klaksvíkar Mannskór, sum eisini hevði rættiliga gott orð á sær.

Fiona er annars vanliga leiðari hjá Klaksvíkar Hornorkestri, men stóð henni í boði at venja manskórið aftur.

Venjingar hava í heyst verið hvørt hóskvøld í Spinnarínum. Men páss er fyri nøkrum monnum afturat, so tað hevði verið gott, um tað legðist til.

Tær nýtist ikki at vera bangin fyri, at kórið skal syngja nakra konsert til jóla, tí enn er kórið ikki komið so langt áleiðis, at teir hava hug at bjóða seg fram til konsertir nú á jólum!

So kom tú bara óræddur og ver við í einum spennandi manskóri, sum venur á Spinnarínum hvørt hóskvøld kl. 19.