Livandi Tilfeingi: Framsýning og søla av føroyskum handverki
Í vikuskiftinum, 3.-5. desember, verður aftur skipað fyri hugnaliga vetrartiltakinum, Livandi Tilfeingi, í Perluni og Reinsarínum í Havn.
Talan er um serføroyskt tiltak við framsýning og sølu av staðbundnum dygdarhandverki: Leir, træ, glas, jarn, klæði og góður matvørur frá føroysku bygdunum.
Tey, ið luttaka í ár, eru:
§ BjørkM
§ Elin K. J. Smúkkur
§ Erla Matras Jensen
§ Føroya Grótvirki
§ Hoyskorsgarður
§ Joel Coel Art
§ Leirverk
§ Mat & Moldmentanarháskúlin / Veltan
§ Minna
§ Signabøgarður
§ Smiðjan á Trøllanesi
§ Sóljan Glaslist
§ Uppistova
§ Útistovugarðurin
Umframt framsýning og sølu av føroyskum handverki, verða aðrir táttar á skránni. Eitt nú fer leygarmorgunin at snúgva seg um staðbundnað ostahandverkið. Jóan Pauli Joensen fer at hugleiða um mjólk og ost í Føroyum, og síðani verður verkstova við heimskenda ostaframleiðaranum, David Asher ( Black Sheep School ).
Livandi Tilfeingið er opið fríggjadag frá 15 til 19, leygardag frá 10 til 19 og sunnudag frá 14 til 19 .
Tað er ókeypis at luttaka, og øll eru hjartaliga vælkomin at støkka inn á gólvið í Perluni og Reinsarínum í vikuskiftinum.
Tilmælini frá landsins myndugleikum verða fylgd, og tí er neyðugt at vísa koronapass, gula koppsetingarkortið ella negativa test, ið ikki er eldri enn 72 tímar.