Væleydna bókaframløga av "Tróndur og rúnakelvið"
Vit løgdu leiðina framvið Syðrugøtu í gjárskvøldið til bókaútgávu.
Í sera snøgga nýggja hoyggjhúsinum hjá Rønn Eliasen og Pól Huus Sólstein, í gamla hugnaliga umhvørvinum mitt í bygdini, var kl 19.00 framløga av nýggju og forvitnsligu bókini hjá brøðrunum Hans Jákup Mikkelsen og Petur (Prent) Mikkelsen løgd fram. Bókin hevur heiti "Tróndur og rúnakelvið".
Nógv fólk var møtt upp, bæði bygdafólk, men eisini fólk aðrastaðnis frá høvdu lagt leiðina framvið. Eini 60 fólk tilsamans vóru stúgva saman í lítla hoyggjhúsinum.
Hans Jákup byrjaði við at bjóða vælkomin. Síðani var tað ein av lokalu sangaranum frá Syðrugøtu, Benjamin Petersen sum sang eitt lag. Eftir hetta greiddi Hans Jákup frá bókini, hvussu hon byrjaði, hvar íblásturin kom frá og hvussu hann og bróðurin høvdu arbeitt við bókini.
Árni Gregersen setti síðani spurningar til høvundin, árenn Benjamin rúnabant við einum sangi afturat.
Eftir hetta, var møguleiki at ognar sær bókina og fáa bókina signeraða av høvundinum sjálvum. Og sum nakað ørvísi, so bar eisini til at ognar sær eitt útskorið rúnakelvið afturvið bókini.
Eitt hugnaligt kvøld og ein væleydna bókaframløga.