Skúlin hevur vent sær til foreldrini og sagt, hvørjum stovum tey smittaðu starvsfólkini og barnið eru í, og heitir í tí sambandinum á foreldrini um at vara varin og lata síni børn kanna sum skjótast. So skjótt Landslæknin vendir aftur til barnagarðin, verða foreldrini kunnað um boðini.

Í farnu viku boðaði løgmaður annars frá, at bíðað varð í fimm dagar við at lata fólkaskúlar aftur, samstundis sum barnagarðar og miðnámsskúlar ikki verða latnir aftur. Seinni kom fram, at Farsóttarnevndin mælti til at senda skúlanæmingar heim beinanvegin, men tað ynskti politiska skipanin ikki at ganga á møti. Um tað sama ger seg galdandi fyri dagstovnar, vita vit ikki.

Boðini frá Landslæknanum um, hvussu leikur víðari fer fram á Dr. Margrethu Barnagarði, koma seinni í dag ella í kvøld.