Ídag var hátíðarhald og innsetingarløta í Tinganesi, tá Bárður á Steig, løgmaður kundi seta inn tvinnar nýggjar landsstýrismenn. Árni Skaale bleiv settur sum fiskimálaráðharri í starvið, sum Jákup Vestergaard hevur røkt til í dag og Sólvit Nolsø í starvið í Almannaráðnum, sum Elsebeth Mercedis Gunnleigsdóttur hevur røkt higartil.

Ikki møtti stór mannfjøld til setanina, helst orsakað av covid smittuvandanum. Tó høvdu nýggju landsstýrismenninir nærmastu familju sína við, soleiðis at tey kundu uppliva stóru løtuna hjá makunum og pápunum.

Vestergaard fekk tøkk frá løgmanni fyri tíðina hann hevur sitið í starvinum sum fiskimálaráðharri, ímeðan Elsebeth Mercedis Gunnleigsdóttur ikki var til løtuna orsakað av sóttarhaldi.

Pressan møtti sjálvandi talsterk, eisini Norðlýsið sjálvandi. Niðanfyri myndir frá hátíðarhaldinum í dag: