Veðrið í vikuni
Samanumtikið fer tað at vera ein vika við hampuliga nógvum vindi. Fyrra helmingin vikuni av útsynningi og so av vestri; í vikuskiftinum høgætt. Vindferðin fer fyri ein stóran part at liggja um 15 m/s, men eisini upp ímóti stormi. Vit skulu ikki vænta drúgvar løtur við liggjandi góðveðri.
Lágtrýstini ganga í hesum døgum eina leið av Kappanum yvir Ísland og ímóti Norðurnorra. Í Føroyum fara vit tí at merkja økið sunnan fyri miðjuna av lágtrýstunum. Har er ættin vanliga ímillum sunnan og vestan, og so liggja brúgvaløgini við avfalli eisini har.
Veðrið í vikuni – dag fyri dag:
Mánadag: Fyrrapartin landsynningur, 15 til 20 m/s, men seinnapartin útsynningur, og vindurin minkar niður í 13 til 18 m/s. Skýggjað allan dagin, nógv regn fyrrapartin; seinnapartin ælaveður.
Hitin mánadagin fer at liggja um 5-6 stig.
Týsdag: Útsynningur, 13 til 18 m/s. Skýggjað allan dagin og ælaveður.
Hitin týsdagin fer at veksa úr 5 upp í 9 stig.
Mikudag: Útsynningur, 15 til 20 m/s veksandi upp í 18 til 23 m/s. Skýggjað allan dagin, regn ella ælaveður.
Hitin mikudagin fer at liggja um 8-10 stig.
Hósdag: Vestan, 13 til 18 m/s. Skýggjað allan dagin og ælaveður við regni. Um kvøldið møguliga við vátakava.
Hitin hósdagin fer at minka úr 9 niður í 5 stig.
Fríggjadag: Vestan og útnyrðingur, 8 til 13 m/s. Skýggjað og ælaveður við regni ella vátakava allan dagin.
Hitin fríggjadagin fer at liggja um 5-6 stig.
Leygardag: Vestan og útnyrðingur, 10 til 15 m/s. Skýggjað og ælaveður við regni ella vátakava allan dagin.
Hitin leygardagin fer kava úr 5 stigum niður ímóti frostmarkinum.
Sunnudag: Útnyðringur norðan, 18 til 23 m/s, minkandi seinnapartin niður í 15 til 20 m/s. Kavaælingar allan dagin.
Tað verður kalt sunnudagin, 1-2 stig báðumegin frostmarkið.