Lýsing
Lýsing
Mynd: nordcar.fo

Føroyski samfelagsbúskapurin kom væl ígjøgnum 2021

SKRIVAÐ: Vinnuhúsið  |  17.01.2022 - 10:50 Tíðindaskriv Vinna

Hóast korona framvegis spøkir og órógvar samfelagið, so benda nýggjastu hagtølini á, at føroyski samfelagsbúskapurin er komin rættiliga væl ígjøgnum hesi seinastu tvey óvanligu árini

 

Inntøkurnar ongantíð verið størri enn í 2021

Í fjør vórðu fluttar tilsamans 12,7 mia. kr. í lønum, pensjónum og øðrum veitingum umvegis føroysku a-skattaskipanina. Hetta vóru góð 2% meira enn í 2020 og 5% meira enn í 2019.

Av samlaðu lønunum og veitingunum á 12,7 mia. kr., vórðu goldnar tilsamans 3,9 mia. kr. í inntøkuskatti. 1,8 mia. kr. til landið og 2,1 mia. kr. til kommunurnar.

Samlaði inntøkuskatturin til land og kommunur var eisini góð 2% hægri í 2021 enn í 2020.

 

Ferðafólkatalið um flogvøllin veksur aftur

Í 2021 ferðaðust 239 túsund ferðafólk umvegis flogvøllin í Vágunum. Hetta eru 33% fleiri enn í 2020, tá 180 túsund ferðafólk fóru um flogvøllin.

Tað var bara fyrsta ársfjórðing í 2021, at ferðafólkatalið um flogvøllin var lægri enn í 2020. Allar hinar mánaðirnar hevur ferðafólkatalið verið hægri enn í 2020. 

Koronaskelkurin í 2020 fluttu føroysku ferðavinnuna nógv ár aftur í tíðina. Í 2020 var ferðafólkatalið um flogvøllin á leið tað sama sum í 2005, tá ið tað fóru góð 181 túsund ferðafólk um flogvøllin. Í fjør var ferðafólkatalið komið upp aftur á sama støði sum í 2013, tá ferðafólkatalið um flogvøllin var góð 236 túsund ferðafólk.

 

Eisini fleiri nýggir persónbilar skrásettir í 2021

Í fjør vórðu skrásettir 1.991 nýggir persónbilar á Akstovuni. Hetta eru 104 fleiri enn í 2020 og á leið sama talið sum í 2016 og 2017, tá ið tað vórðu skrásettir ávikavist 1.971 og 1.951 nýggir persónbilar í Føroyum.  

Tað skal viðmerkjast, at tað er ikki bert korona og kunjunkturar, sum ávirka bilasøluna. Bilasølan koyrir vanliga í bylgjum, har tað gongur upp og niður, nøkur ár í senn. Seinasta árið hevur bilasølan, um allan heimin, eisini verið nógv merkt av, at bilframleiðarar hava mangla sokallaði chip til framleiðsluna av nýggjum bilum. Hetta hevur viðført langar leveringstíðir av nýggjum bilum.

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin