Lýsing
Lýsing
Eitt sindur av vindi í morgin. Vindferðin byrjar at veksa í kvøld og í nátt. Allan morgindagin um 18 til 23 m/s av útsynningi. Fyri tað mesta turt, og hitin fer at liggja um 6 til 8 stig.
|
Mynd: in.fo
Nakað av vindi í morgin
Eitt lágtrýst við nógum vindi fer norðurvið vestan fyri Føroyar í morgin. Í morgun er tað statt einar 500 fjórðingar í útsynning úr Føroyum. Trýstið í miðjuni er 950 hPa.
Vit merkja als einki til tað fyrr enn í kvøld. Tá fer ættin úr suðuri í landsynning, og vindurin fer at veksa. Á midnátt er landsynningur sunnan, og vindferðin um 13 til 18 m/s. Tá regnar tað eisini.
Í nátt fer vindurin at veksa spakuliga, meðan ættin fer niður í sunnan. Í morgin ári klokkan 8 eru 15 til 20 m/s og yvirhøvur turt. Á middegi eru 18 til 23 m/s, og soleiðis er allan seinnapartin eisini. Fram ímóti nátturða fer at regna eina løtu.
Í annaðkvøld eru 18 til 23 m/s og ælaveður.
Alt íalt er miðalvindferðin í Føroyum stóran part av morgindegnum upp ímóti stormi.
Seinastu tíðindini