Hetta er langt burtur frá okkum, tað tað saktans ávirka veðrið um okkara leiðir fyri tað.

Føroyar liggja eystan fyri hetta lágtrýstið, og har eru ættirnar vanliga ímillum landsynning og útsynning. Í hesum føri sunnan ella útsynningur hjá okkum.

Lágtrýstið fer at draga kalda luft úr Norðurkanada til sín og senda tað víðari ímóti okkum. Tí er onkra løtuni í vikuni kavaavfall.

Veðrið í vikuni – dag fyri dag:

Mánadag: í dag er suðurætt, vindferðin liggur um 5 m/s. í Kvøld veksur vindurin upp í  10 til 15 m/s. Turt,skýggjað við sólglottum í dag.

Hitin liggur um 6 til 9 stig.  

Týsdag: Útsynningur sunnan, 8 til 13 m/s. Í nátt kemur eitt brúgvalag við nógvum regni yvir Føroyar, og tað fer at regna restina av náttini og næstan allan morgunin – slítur ikki í fyrrenn seint fyrrapartin ella á middegi. Eftir tað hevur slitið í, er útsynningur og ælaveður.

Hitin týsdagin fer at liggja ímillum 6 til 8 stig.  

Mikudag: Útsynningur, 7 til 12 m/s. Um kvøldið sunnan, sama vindferð. Yvirhøvur turt – tó ælingar við regni og/ella kava, skýggjað við sólglottum.

Hitin mikudagin fer at liggja ímillum 5 til 7 stig.

Hósdag: Útsynningur, 10 til 15 m/s. Allan dagin ælaveður við regni og/ella kava – tó yvirhøvur turt, skýggjað við sólglottum.

Hitin hósdagin fer at liggja ímillum 5 til 7 stig.

Fríggjadag: Suðurætt, 15 til 20 m/s, seinni útsynningur, 18 til 23 m/s. Skýggjað og regn um náttina og út á morgunin. Seinnapartin turt.

Hitin fríggjadagin fer at liggja ímillum 7 til 9 stig.

Leygardag: Minkandi vindur av útsynningi um náttina og fyrrapartin. 10 til 15 m/s fyrrapartin, men seinnapartin 7 til 12 m/s. Yvirhøvur turt allan dagin, tó eitt sindur skýggjað við sólglottum. Um kvøldið dregur samanum, og tað verður okkurt ælið.

Hitin leygardagin fer at liggja ímillum 6 til 8 stig.

Sunnudag: Suðurætt, 10 til 15 m/s allan dagin. Yvirhøvur turt allan dagin og skýggjað.

Hitin sunnudagin fer at liggja ímillum 5 til 7 stig.