Vindurin fer ikki upp um 15 m/s næstu 7 dagarnar, soleiðis sum viðurskiftini í lufthavinum eru á middegi í dag.

Tað er eitt lágtrýst yvir skandinavisku hálvoynni og Finnlandi, sum fær luftin at mala soleiðis, at vit fara at hava høgætt í 7 dagar á rað. Næsta vikuskifti sær tað út til at hvørva, og so fara vit í Føroyum at fáa lýggjari veður sunnaneftir.

Veðrið í vikuni – dag fyri dag:

Mánadag: Norðurætt, ella beint eystan fyri norðan, 5 til 10 m/s. Skýggjað og kavaæl allan dagin.

Hitin mánadagin fer at liggja um 1 til 3 stig.

Týsdag: Norðurætt, ella beint vestan fyri norðan, 5 til 10 m/s. Um kvøldið av ymsum ættum og minni vindur. Sum dagin fyri so verður skýggjað og kavaæl allan dagin.

Hitin týsdagin fer at liggja um 1 til 3 stig.

Mikudag: Eysturætt um náttina, sum fer upp í ímóti norði um kvøldið, 10 til 15 m/s. Skýggjað allan dagin, kavaæl um náttina, men út á fyrrapartin turt.

Hitin mikudagin fer at liggja um 2 til 4 stig.

Hósdag: Norðan, 10 til 15 m/s. Út á seinnapartin mini vindur. Skýggjað og kavaælingar allan dagin.

Hitin hósdagin fer at liggja um 1 til 3 stig.

Fríggjadag: Norðan, 8 til 13 m/s. Skýggjað og kavaæl um náttina og fyrrapartin.

Hitin fríggjadagin fer at liggja um 1 til 4 stig.

Leygardag: Norðurætt, ella beint vestan fyri norðan, 7 til 12 m/s. Skýggjað og kavaæl, men seinnapartin turt.

Hitin leygardagin fer at liggja um 2 til 4 stig.

Sunnudag: Norðurætt, ella beint eystan fyri norðan, 5 til 10 m/s. Skýggjað og kavaæl allan dagin.

Hitin sunnudagin fer at liggja um 1-2 fyrrapartin, men fer upp í 3 til 5 stig út á dagin.