Veðrið í vikuni
Í vikuni, sum kemur, fer hitalagið nøkur stig upp, úr umleið 3 stigum upp í næstan 10 stig. Ættin fer fyri tað mesta at liggja ímillum sunnan og vestan, men ikki alla tíðina. Í løtum kølnar aftur av køldum loti norðaneftir, men so kemur lágættin aftur.
Veðrið í vikuni – dag fyri dag:
Mánadag: Norðan, 5 til 10 m/s, um kvøldið minni vindur úr ymsum ættum. Yvirhøvur turt og skýggjað við sólglottum.
Hitin mánadagin fer at liggja um 3 – 4 stig.
Týsdag: Sunnan, lítil og eingin vindur um náttina, men um morgunin 5 til 10 m/s. Skýggjað og regn meginpartin av degnum.
Hitin týsdagin fer at veksu úr 3 upp í 8 stig.
Mikudag: Útsynningur, 3 til 8 m/s. Skýggjað og ælaveður.
Hitin mikudagin fer at liggja um 8 – 10 stig.
Hósdag: Útsynningur, um morgunin 3 til 8 m/s, men eftir tað veksandi upp í 10 til 15 m/s. Skýggjað og samregn um náttina og morgunin, men eftir tað ælaveður.
Hitin hósdagin fer at liggja um 7 – 8 stig.
Fríggjadag: Útsynningur, um morgunin 10 til 15 m/s, men seinnapartin minkandi niður í 3 til 8 m/s av útnyrðingi. Skýggjað við sólglottum og løtur við ælaveðri.
Hitin fríggjadagin fer at liggja um 6 – 8 stig.
Leygardag: Útsynningur og útsyningur sunnan, 3 til 8 m/s. Skýggjað við sólglottum og eisini onkur løta við ælaveðri.
Hitin leygardagin fer at liggja um 7 – 9 stig.
Sunnudag: Sunnan, 3 til 8 m/s. Turt og eitt sindur skýggjað.
Hitin sunnudagin fer at liggja um 8 – 10 stig.