Spurdur um, hví Måløy Maritime Group hevur valt at luttaka á Atlantic Fair í ár, og hvat hevur fingið teir at koma hendan vegin, sigur Jørgen Silden, at talan er um eitt tvíbýtt ynski um at marknaðarføra bæði staðið Måløy og fyritøkuna fyri møguligum framtíðarligum viðskiftafólkum.

Tað er neyðugt at luttaka, skal man fáa nýggjar kundar, sigur Jørgen Silden, og Måløy Maritime Group hevur luttikið á sjóvinnumessu her í Føroyum tvær ferðir áður. Føroyski fiskivinnuflotin er framkomin, sigur hann, og tá ið fyritøkan blívur við at luttaka, so er tað tí at her bæði eru relatiónir at viðlíkahalda og potentiali fyri nýggjum relatiónum.

“Det er ikke minst flinke folk, som driver det”, sigur Jørgen Silden, og sipar til aktørarnar í føroysku fiskivinnuni.