Atlantic Fair aftur í Klaksvík í 2024
Áki í Skemmuni, stjóri á Atlantic Fair er sera væll nøgdur við sjóvinnu stevnuna, sum hevur verið í hallunum í Klaksvík í vikuni. Í gjár, seinasta stevnudagin, skrivaðu hann og borgarstjórin, Karl Haldursson Johansen, undir sáttmála um komandi Atlantic fair stevnuna, sum er sett at verða í mai í 2024.
Um stevnuna í ár, sigur Áki í Skemmuni stjóri, at hann er sera væl nøgdur við gongdina og stóra talið av vitjandi. Eg havi ikki enn neyv tøl fyri vitjaninar, men gongdin var góð, fyrsta dagin var nøgdin av gestum ikki so stór, men báðar seinnu dagarnar var sera nógv vitjandi á gátt.
Tað speglar sær aftur í, at eg havi fingið nógvar afturmeldingar frá nøgdum framsýnarum, og fleiri teirra hava longu nú biðið um pláss á Alantic Fair 2024. Eg eri sjálvandi eisini sera væl nøgdur við umstøðurnar her í Klaksvík, tað kann eisini síggjast í, at eg longu nú havi valt at tryggja mær halirnar her í 2024, sigur ein væl nøgdur Áki í Skemmuni, stjóri á Atlantic Fair at enda.