Kokkurin, Heini Ósá var blíður og bjóðaði til stoykt flak – Hýsuflak av bankanum – betri kann man ikki ynskja sær.

Aftaná kunnaði Niclas Joensen um virkið, og greiddi frá hvar og hvat bátarnir fiskaðu.

Bente Lund Degn, sum er kórleiðari saman við øllum kórinum vóru rættiliga hugtikin av hesum spennandi virki, matinum og hvussu sera framkomið alt tyktist, eins og at virkið hevði fingið heiðurstekin fyri góðsku.

Bente og maðurin, Nis Brummer hava eisini røtur til Klosterkirkens kor, sum var eitt rættiliga gott og kent kór í síni tíð í Horsens. Eisini onkrir føroyingar, sum hava lisið í Horsens, hava verið við í hesum kórinum.

Skráin til konsertina í Christianskirkjuni í kvøld 27. mai kl. 19.30 er samansett av kirkjuligum tónleiki, harav ein stórur partur er knýttur at Kristi himmalferð, umframt ein partur eru danskir og føroyskir sangir.

Christianskirkjan fríggjakvøldið 27. mai kl. 19.30 - Kvinnukórið, Crescendo úr Horsens