Veðrið í vikuni
Undantikið í dag - mánadag - so er lítil vindur hesa vikuna og næstan einki avfall. Hitalagið fer at kvinka seg spakuliga uppeftir.
Men - og tað er eitt men! Helvtina av vikuni skal væntast høgætt - norðan ella beint við norðan. í Norðoyggjum er hetta ikki góð ætt, í onkrari bygda verri enn í aðrari bygd. Tá er skýggjað kring fjøllini, og lotið kennist kølið.
Øvugt, tá ið tað er lágætt. Tá ið yvirhøvur betri veður norðanfyri enn sunnanfyri.
Stóru modellini í super-computarunum taka ikki hædd fyri fjøllunum í Føroyum. Tað er tey, sum gera munin á veðrinum kring landið. Tí viðmerkingina omanfyri.
Vit fáa at síggja - livst so spyrst.
Mánadag: Norðan, vindurin minkandi úr 8 til 13 m/s á morgni niður í 3 til 8 m/s um kvøldið. Skýggjað og regn ella ælaveður fyrrapartin. Seinnapartin klárari, og og tað slítur í.
Hitin mánadagin fer at veksa úr 6 upp í 8 stig.
Týsdag: Hann fer at mala úr ymsum ættum, vindferðin minni enn 5 m/s. Klárt og turt allan dagin.
Hitin týsdagin fer at veksa úr 7 upp í 9 stig.
Mikudag: Landnyrðingur, vindferðin minni enn 5 m/s. Klárt og turt allan dagin.
Hitin mikudagin fer at liggja um 8 til 10 stig.
Hósdag: Landnyrðingur norðan, vindferðin um 2 til 7 m/s. Klárt og turt allan dagin.
Hitin hósdagin fer at liggja um 7 til 9 stig.
Fríggjadag: Útsynningur, 3 til 8 m/s. Klárt og turt allan dagin.
Hitin fríggjadagin fer at liggja um 7 til 10 stig.
Leygardag: Útsynningur, 5 til 10 m/s. Skýggjað og ælaveður.
Hitin leygardagin fer at liggja um 9 til 11 stig.
Sunnudag: Útsynningur, 10 til 15 m/s. Seinnapartin útnyrðingur, 2 til 7 m/s.
Hitin sunnudagin fer at liggja um 8 til 10 stig, men um kvøldið minkar niður í 5 stig.